|
Thursday,
April
05, 2007 Addis Ababa (Ethiopia), Warar xogogaal ah oo aan ka
helnay ilo u dhuun duleela dawladda Soomaaliyeed ee u adeegta
keligi taliye Meles Zanawi ayaa sheegaya in safarka uu Xuseen
Caydiid ku tagay magaalada Asmara ee dalka Eritrea uu yahay mid
qorshaysan oo hawl qaran ah. Inkasta oo horraantii sanadkaan
Xuseen Caydiid daboolka ka qaaday qorshayaal dawladda Ethiopia ku
galinayso gumeysi dalka Soomaaliya lagana maaggan yahay in
Soomaaliya noqoto kilinka lixaad, kornayl Cabdullaahina ku sheegay
in Xuseen Caydiid nin waalan yahay ayaa haddana wararka aan
helayno sheegayaan in xogta Eritrea taal ay tahay in dawladdu cid
ku darsato si Ethiopia ay u hesho sirta iyo qorshayaasha jabhadaha
ku sugan Asmara, Eritrea. Xuseen Cayddiid, RW/Xigeenka koowaad, ayaa Meles Zanawi u arkay
ninka loo adeegsan karo Eritrea. Keligi taliye Meles Zanawi ayaa
gooni gooni u hantay masuuliyiin ku sheegga Soomaaliyeed, markasta
oo khilaaf soo kala dhexgalana Musfin ayaa fartiinta loo soo faraa.
Kornayl Cabdullaahi oo daacadnimadiisa ku wajahan Meles Zanawi ay
u muuqato in fara laga hayo sirna aan qarin sidiisaba ayaa laga
soo xuuraamay in Xuseen Caydiid loo wakiishay keenidda xogta
Eritrea.
Jubbaland Newsdesk in Addis Ababa
|
