|
Sunday,
Janaury
14, 2007
Wararka aan ka helayo qeybo badan
oo ka tirsan bey'adda bartamaha gobolkan Gedo ayaa faafreebaya
inay ciidamadii dowlada Ethiopia iyo kuwii dowladda oo
indhawaalaba ku sugnaa qeybo kamid Ceelcadde ay haatan gaareen
magaalo madaxda gobolka ee Garbahaareey.
Ciidamadan huwanta ayaa warar aan
goor dhaw ku helay dhinaca teleefoonka waxa ay sheegayaan inay
saldhigteen qeybaha duleedka ee kalibeerka, ayadoo dad ku sugan
degaankasina ay carabaabeen in ay ciidamadaasi halkaasi kula
kulmayaan waxgarad reer Garbahaareey ah.
Ma jirto faahfaahin tibaaxaysa
halka dhab ahaantii ay ciidamadaasi ku wajahan yihiin, ayadoo la
rumeysan yahay inay askartaasi imminka soo afjareen baadi-goob
ballaaran oo ay ugu jireen xubno ka haray maxkmadaha waa sida ay
hadalka u dhigayaane.
Hase ahaatee, odayaasha degaanka
ayaa askartaasi ka raariday inaysan jirin wax ciidamo ah oo ku
dhuumaalaysanaya bey'ada Ceelcadde.
Tddobaadkiii hore ayey ahayd
markii ay ciidamadaasi oo ku hubeysan gaadiidka gaashaaman ay
soo gaareen degmada Buurdhuubo oo hal bowle u ah isku socodka
Gobolka.
Xafiiska warqabadka Jubbaland
|
