|
Monday,
Janaury
15, 2007 Mogadishu, Wufuud badan oo ka kala
socda dunida ayaa ku soo qulqulaya magaalada Mogadishu oo dhawaan
gacanta u gashay dawladda ku meelgaarka ee ay korkacayaan Geeddi
iyo Cabdullaahi Yuusuf oo labaduba imminka ku sugan Mgadishu. Dawladdan oo fadhigeedu muddaba ahaa Baydhabo
ayaa ciidanka Ethiopia iyo Somalia oo gacan ka helaya diyaaradaha
Maraykanka u gacan geliyeen caasimaddii Soomaaliya oo lagala
wareegay maxkamad beeleedyadii midoobay. Waxaad mooddaa in qorshe miiska saarnaa oo isla
markiiba lagu hawl galay inuusan jirin maadaama aan la hayn ciidan
diyaarsan oo adduunweynuhu isku raacsan yahay. Dawladda Uganda
ayaa ilaa imminka ku yaboohday ilaa 1500 oo ciidan nabadda suga
ah. Maraykanka, Midawga Yurub iyo Qarammada
Midoobay ayaa qorsheeyey in ilaa 8000 oo ciidan Afrikaan ah la
geeyo Soomaaliya balse la la'yahay waddan ciidan diyaar ula ah
Soomaaliya. Waxaad mooddaa in adduunweynuhu isku ogyahay in
Ethiopia loo sharciyeeyo Soomaaliya sababtuna tahay inta la
la'yahay ciidan aan Ethipian ahayn oo suga ammaanka dawladdan
waxaa sii joogaya Ethiopianka. Jubbaland news desk in
Mogadishu
|
