Ciidamada DFKG ah iyo kuwa dowladda Itoobiya oo xalay lala beegsaday dhawr weerar oo qasaaro geystay iyo israsaaseyn Ka dhacday  jidka warshadaha ee magaalada Muqdisho

Mogadishu, Warar aanu ka helayno magaalada Muqdisho ayaa tibaaxaya in Ciidammada dowladda federaalka oo ay weheliyaan ciidammo Ethiopian ah lagu weeraray waddooyinka qaar ee magaaladaasi.

Xalay xilligii dhexe abbaarihii 10kii fiidnimo ayaa waxaa magaalada Muqdisho hareeyay weeraro iyo israsaaseyn ka dhacday meelaha qaar ,kuwaasoo lala beegsanayay ciidammada  dowladda federaalka KMG ah ee Soomaaliya iyo kuwa Itoobiyaanka oo ku socdaalayay  jidka warshadaha ee magaalada Muqdisho .

Daryaanka rasaasta oo aad u xooggan ayaa laga maqlayey qeybo badan oo ka mid ah magaalada Muqdisho. waxaana ay ciidammadaasi aag ka xirteen jidgooyooyinka. Isgoyska SOS ayaa misna kamid ahaa goobihii kale ee lagu weeraray askarta dowlada.

Waxaa adag in la ogaado qasaaraha dhabta ee meeshaasi ka dhacay ayadoo ay weeraraadaasi ahaayeen kuwo qarsoodi ah oo dhacayey xilli dadku ay hurdo ku jireen.

Sidoo kale si dhab ah looma oga qasaaraha gaaray dadka rayidka inkasta oo agagaarka xaafadda Shiirkole ee magaalada Muqdisho lagu arkay qof meyd ah oo halkaas yaala kaas oo la sheegay inay ku dhaceen rasaastii xalay la isku ridayey.

Main Page

webmaster@jubbaland.com