Buurdhuubo, Hawla
deeq bixin ah oo ay gacan ka geysatay hay'adda WFP ayaa
maalintii shalay laga dargeliyay degaanno hoos yimaada degmada
Buurdhuubo ee gobolka Gedo.
Tuulooyinka Dacarta,
Bakal-aroos, Huufeey iyo Qaydo ayaa ka mid ah goobaha la
gaarsiiyay raashinkaasi oo isugu jira digir, saliid,matafiish
iyo mushaari, ayadoona loo qeybiyay qoysas ay waxyeelo ka soo
gaartay fatahaadda iyo roobabka xilliga deyrta Sida uu ii
xaqiijiyay mid ka mid ah saraakiisha hay'addaasi oo xiligaasi
ku sugnaa goobtii lagu bixinayey raashinkaasi.
Qaar ka mid ah
qoysaskaasi oo iyagu horay uga soo barakacay masiibadii
dhinaca bey'adda ahayd ayaa la arki karay iyaga oo ku sugan
goobahaasi si ay u hantaan guntimo raashininkaasi ah.
Hay'adda barmnaamijka cuntada
adduunka ee WFP ayaa horay deeqo kuwan la mid ah au gaarsiisay
qoysas ku dhaqan bartmaha degaanno gobolka Gedo ah, kuwaas oo
la daalaa dhacayey dhibaatooyin xagga nolosha ah.
