Dawladda Ethiopia oo Guatanamo oo kale ka furtay geeska Afrika

Addis Ababa (Ethiopia), Warar lagu kalsoon yahay oo Jubbaland ay ka helayso meela kala duwan ayaa sheegaya in dawladda Ethiopia ay ka furtay xabsi dadka muslimka ah ee sida aadka ah ugu dhaqma diinta lagu hayo iyada oo aan wax maxkamad ahna la soo hortaagi karin. Ilawareedkan ayaa sheegaya in dad badan oo dhallinyaro ah oo Soomaaliya laga soo aruuriyey ciidanka Ethiopia oo ku sugan Soomaaliyana gacanta loo galiyey. Soomaalida Kilinka Shanaad odayaal ka soo jeeda oo Jubbaland si qarsoodi ah ula xiriirtay ayaa xaqiijiyey jiritaanka dhawr meelood oo Guatanamo oo kale ah dadka la geeyana laga samro. Waxyaalaha dadkan loo gaysto ayaa waxaa ka mid ah buu yiri oday Kilinka Shanaad ah oo magaciisa qariyey, "Garka ayaa laga rifaa, kitaabka quraanka ayaa lagu dhahaa 'Saldhayso', salaadda ayaa loo diidaa, waqtiga inay la socdaan ayaa loo diidaa, kaadi ku weysaysta ayaa la dhahaa biyo idiinma haynee,sawirro qofku qaawan yahay ayey qaadaan si fara looga qabto mustaqbalkana loogu adeegto, dadku dambi aysan galin ayaa lagu jirdilaa oo lagu khasbaa in uu qirto ...Goobahaani waa ka horreeyeen Guatanamo ee waan adduunku dan ka lahayn" 

Jubbaland ayaa weydiisay sida xogtaan uu ku helay maadaama ay goobahaan qofkii la geeyo aan la soo celin. Dadka qaar ayey dib u isticmaalaan si uu Soomaaliya uga fuliyo arrimo Ethiopia ka leedahay.Dhawr qof ayaan aragnay oo muddo dheer ka bacdi soo noqotay.

Madaxweynaha dawladda ku meel gaarka ah ee Soomaaliya ayaa  dawladda Ethiopia xabsigeeda ku jiri jiray balse asagu ka mid ah kuwa fara ku tiriska ah ee dib loogu soo celiyey gudaha Soomaaliya. Qofka xabsiga noocaan ah gala ayaa xubinta bini'aadamka u qaabilsan naxariista dareen beeshaa. 

Odayaal badan oo ku sugan Kilinka Shanaad oo Jubbaland la dhexqaadday waraysi  ayaa sheegay in diinta oo aad dhaqankeeda ku adag tahay aad ku mutaysanayso in laguu soo dhaadhiciyo goobahan. Waxaa kale oo aad ku mutaysanaysaa in aad xabsigaan gasho qodobadaan oo qaarkood cusub yihiin:

Inaad su'aal ka keento sida Meles iyo Kornaylku Soomaaliya ugu taliyaan, inaad ka soo horjeesato gumaysiga Soomaaliya loo gacan galinayo Ethiopia, in lagaa dareemo xoogaa waddaninimo ah, inaad ka soo horjeesato beesha madaxweynaha oo ayadu aamminsan in Soomaaliya dabaqado tahay beesha madaxweynahuna tahay tan ugu sarraysa keligeedna wax xukumi karto IWM.

Waxaa Jubbaland idiin ballan qaadaysaa in wareysiyada aan la dhex qaadnay odayaasha Kilinka Shanaad oo maqal ah aan soo galin doonno shabakadaan.

Main Page

webmaster@jubbaland.com